KASB-HUNAR MAKTABIDA PROFERENTATSIYA
“Texnik tizimlarda AT” kafedrasi professor-o‘qituvchilari OTM-professonal ta’lim hamkorligi doirasida 2023-yil 10- iyun kuni Namangan viloyati Yangiqo‘rg‘on tumani 2-sonli kasb-hunar maktabi (KHM)ga tashrif buyirishdi.
Tashrif davomida KHM rahbariyati va pedagogik jamoasi, shuningdek bitiruvchi yoshlar bilan uchrashuv tashkil etildi. Davra suhbatida kafedra professor-o‘qituvchilari A.Isomiddinov, N.Mallaboyev, A.Xasanov, A.Olimov, Ch.Akbarov va D.Boqijonovlar Namangan muhandislik-qurilish institutidagi mavjud ta’lim yo‘nalishlari, ta’lim shakllari va bosqichlari shuningdek, talabalar uchun institutda yaratilgan shart-sharoitlar haqida batafsil ma’lumot berdilar.
Shuningdek, KHM o‘quv-ishlari bo‘yicha direktor o‘rinbosari A.Xaydarov, informatika bo’yicha maxsus fan o’qiyuvchisi N.To’laboyevalar ishtirokida “Axborot vositalari mashinalari va kompyuter tarmoqlari operatori” kasbiy yo‘nalishining o‘quv-me’yoriy hujjatlari va tegishli fan dasturlari muhokama etilib, ular bo‘yicha kerakli tavsiyalar berildi.
KHM rahbariyati taklifiga binoan kelgusida KHM pedagogik jamoasi uchun kafedra professor-o‘qituvchilari tomonidan master-klass hamda seminar treninglar tashkil etishga kelishib olindi.