1-bosqich talabalarining amaliyot jarayonlari qizg‘in kechmoqda
Sanoatni axborotlashtirish fakulteti “Foydali qazilma konlar geologiyasi va qidiruv-razvedkasi” yo‘nalishi 1-bosqich talabalarining amaliyot jarayonlari qizg‘in kechmoqda.
Talabalar Qo‘qon shahrida joylashgan “Farg‘ona geofizika ekspediyasi” tashkilotida bo‘lib, bu yerdagi faoliyat yo‘nalishlari bilan tanishdi.
“O‘zbekgeofizika” aksiyadorlik jamiyati filiali bo‘lgan ushbu tizimda neft' va gaz konlari razvedkasi hamda burg‘ulash ishlari olib boriladi. Tabiiy gaz va neftni qazib olish bosqichiga tayyorgarlik ko‘riladi.
Talabalarga Farg‘ona vodiysidagi konlar hamda ularda kechayotgan jarayonlar haqida batafsil ma'lumot berildi.
Shuningdek, talabalar “To‘raqo‘rg‘on neftbaza” korxonasida ham bo‘lib, Namangan viloyatini yoqilg‘i mahsulotlari bilan ta'minlovchi eng yirik tizim faoliyati bilan ham tanishdi. Amaliyot jarayonlari davom etmoqda.