Telegram'dagi Dunyoi_kabir kanalida e'lon qilingan videolavhaga munosabat
@dunyoi_kabir telegram-kanalida Namangan muhandislik-qurilish instituti Sanoatni axborotlashtirish fakulteti talabasi Islomjon Ubaydullaev go‘yo sababsiz o‘qishdan haydalayotgani haqida video e'lon qilingan.
Mazkur talaba bo‘yicha chindan ham joriy yil 22 noyabr kuni fanlardan qarzdorligi uchun tegishli tartibda buyruq chiqarilgan. Sanoatni axborotlashtirish fakulteti dekanati tomonidan bu talaba betob bo‘lganligi ham 2-guruh nogironligini (amal qilish muddati 1.10.2022 gacha) inobatga olib, 2022 yil 27 iyun kundan boshlab 10 kun muddatga yakuniy nazoratlarni yakka tartib topshirish bo‘yicha qaydnoma qilib berilgan.
Biroq talaba fanlardan o‘zlashtira olmaganligi uchun Vazirlar Mahkamasining 2019 yil 27 apreldagi 360-sonli «Oliy ta'lim muassasalariga o‘qishga qabul qilish, talabalar o‘qishini ko‘chirish, qayta tiklash va o‘qishdan chetlashtirish tartibi to‘g‘risidagi nizomlarni tasdiqlash haqida» 2017 yil 20 iyundagi 393-son qaroriga o‘zgartirish va qo‘shimchalar kiritish to‘g‘risida" qarorining 37 bandiga asosan uni lavhada tasvirlanganidek "haydash" emas, balki qoldirish bo‘yicha buyruq chiqarilgan.
Mazkur holat Sanoatni axborotlashtirish fakulteti dekanati tomonidan nazoratga olinganini ma'lum qilamiz.