NamMQI ilmiy kengashining navbatdagi yig‘ilishi yutuqlar e'tirofidan boshlandi
Institut rektori Sharifjon Ergashev xorijda fan nomzodi darajasini himoya qilgan Sayfiddin Qodirovni tabrikladi va kelgusi ilmiy faoliyatida omadlar tiladi.
Namanganda bo‘lib o‘tgan 62-xalqaro gullar festivalida institut o‘z ko‘rgazmasi bilan munosib ishtirok etgan edi. Rektor bunga bevosita hissa qo‘shgan barcha mutasaddilarga tashakkur aytib, Sanoatni axborotlashtirish fakulteti dekani Abdurahim Qahhorov va institut xo‘jalik bo‘limi boshlig‘i Sodiqjon Zaripovga alohida minnatdorlik bildirdi.
Ularga viloyat hokimligining tashakkurnomasi va esdalik sovg‘alari topshirildi.
Institut media markazi mamlakatda faoliyati namunali yo‘lga qo‘yilgan axborot xizmatlari qatorida e'tirof etilgan hamda Oliy ta'lim, fan va innovatsiyalar vaziri Ibrohim Abdurahmonovning tashakkurnomasi bilan taqdirlangan edi. Rektor axborot xizmati rahbari Azizbek Abduvaliyevni ushbu natija bilan tabrikladi va vazir tashakkurnomasini topshirdi.