Namanganliklar.uz kanalida e'lon qilingan NamMQI 2-binosi elektr energiyasidan uzilgani bildirilgan videolavhaga munosabat
Namanganliklar.uz telegram-kanalida Namangan muhandislik-qurilish instituti 2-binosida ikki kundan beri elektr energiyasi mavjud emasligi bildirilgan video e'lon qilindi.
Chindan ham joriy yil 3 noyabr kuni institut 2-binosi favqulodda elektr energiyasidan uzilgan. Mazkur holat yuzasidan zudlik bilan institutga xizmat ko‘rsatuvchi “Istiqbol” elektr tarmoqlari korxonasi mutasaddilari bilan bog‘lanilgan. Korxona ishchi-xodimlari tomonidan olib borilgan o‘rganishlar natijasida Yangi Namangan tumani hududida joylashgan 110/6 kVli "Shimoliy" nimstansiyasidan chiquvchi 6 kVli "Institut-1" kabel tarmog‘ida shikastlanish bo‘lgani aniqlangan.
Hozirda “Istiqbol” elektr tarmoqlari korxonasi tomonidan ushbu muammoni bartaraf etish va buning uchun maxsus texnikani jalb etish choralari ko‘rilmoqda.