Yoshlar Kengashining kengaytirilgan yigʻilishi boʻlib oʻtdi
Namangan muhandislik-qurilish instituti Yoshlar Kengashining kengaytirilgan yigʻilishi boʻlib oʻtdi (https://t.me/yi_nammqi/8983?single). Yigʻilishda institut birinchi prorektori Odiljon Jakbarov, Yoshlar bilan ishlash, maʼnaviyat va maʼrifat boʻlimi boshligʻi Dadajon Dadaboyev, yoshlar yetakchisi Diyorbek Soataliyev, koordinatorlar va "Qalqon" guruhi aʼzolari ishtirok etdi.
Yigʻilish avvalida respublika tanlovlarida yutuqqa erishgan bir guruh koordinatorlar samimiy muborakbod etildi. Undan soʻng koordinatorlar va "Qalqon" guruhi aʼzolarining hisobotlari tinglandi.
Yoshlar kengashi va "Qalqon" guruhi faoliyatini yangi bosqichga olib chiqish maqsadida qator tayinlovlar amalga oshirildi. Yoʻl qoʻygan kamchiliklari va nuqsonlarini inobatga olgan holda bir guruh koordinatorlar vazifasidan ozod etildi, ayrimlari boshqa yoʻnalish koordinatori sifatida qayta tayinlandi. (https://t.me/yi_nammqi/8990?single)
Yigʻilishda soʻz olganlar kelgusida amalga oshirilishi reja qilingan loyihalar, tanlovlar va maʼnaviy-maʼrifiy tadbirlar xususida fikrlarini bayon qildi. Shuningdek, talabalar oʻrtasida Odob-axloq qoidalariga amal qilinishi, darslarga ishtirok etish masalalari yuzasidan kerakli tavsiyalar berildi.