Yangi Namangan tumani “Qizlar ovozi” klubi koordinatorlari saylandi
Bugun institut talabalar turar-joyida Muhandislik kommunikasiyalari fakul'teti mas'ulligida hamda Yangi Namangan tumani “Furqat” MFY mas'ullari bilan hamkorlikda tumandagi “Qizlar ovozi” klubi koordinatorlarini saylashga bag‘ishlangan tadbir tashkil etildi.
Tadbirda Namangan viloyat “Yoshlar ovozi” bosh koordinatori Aziza Aspandiyorova, Bandlik va tadbirkorlik bo‘yicha viloyat koordinatori Oyshaxon Qodirova, Bandlik va tadbirkorlik bo‘yicha Namangan shahar koordinatori Oydina Nabijonova hamda Muhandislik kommunikasiyalari va Sanoatni axborotlashtirish fakul'tetlari talaba-qizlari ishtirok etdi.
Tadbirda ishtirokchi talaba-qizlar o‘zlarining erishgan yutuqlari va yo‘lga qo‘ygan loyihalari haqida taqdimot qilib, to‘rtta yo‘nalish bo‘yicha koordinatorlikka o‘z nomzodlarini ilgari surdi.
Saylov yakunida koordinatorlikka munosibligini ko‘rsata olgan qizlarga “Qizlar ovozi” klubining ishonch yorliqlari topshirildi.