Xorijiy OTM bilan hamkorlik
2022 yil 13-14 oktyabr kunlari institutning Muhandislik kommunikasiyalari fakulteti “Muhandislik va kompyuter grafikasi” kafedrasiga Qirgʻiziston Respublikasining M.Adashev nomidagi Oʻsh texnologiya universiteti dotsenti Тоkтоsunоv Almazbek Askerovich va Mambetov Joomart Inamaliyevichlar ikki davlat oliy oʻquv yurtlari orasidagi oʻzaro hamkorlik doirasida tashrif buyurdilar. Tashrif davomida professor-oʻqituvchilar talabalarga Oʻsh texnologiya universiteti tarixi, faoliyati, yoʻnalishlari hamda universitetda talabalarga yaratilgan sharoitlar bilan tanishtirdilar. Shu bilan birga “Muhandislik va kompyuter grafikasi” kafedrasi professor-oʻqituvchilari va talabalarga yaratilgan sharoitlar bilan tanishdilar. Oʻsh texnologiya universiteti dotsenti A.A.Toktosunov talabalariga “Chizma geometriya va muhandislik grafikasi”, “Muhandislik kompyuter grafikasi” fanlaridan ma’ruza mashgʻulotlarini oʻtkazdi. Shu universitet dotsenti J.I.Mambetov “Muhandislik kompyuter grafikasi” fanidan amaliy mashgʻulotlarni oʻtkazdi. Oʻsh texnologiya universiteti professor-oʻqituvchilari hamda “Muhandislik va kompyuter grafikasi” kafedrasi professor-oʻqituvchilari oʻzaro hamkorlikni yanada kengaytirish, doimiy aloqalarni yanada rivojlantirish maqsadida doimiy almashinuvni yoʻlga qoʻyishga kelishib olindi.
Saytga ma’lumotni tayyorladi D.Inomiddinova