Xalqaro seminar davom etmoqda
Avval xabar berganimizdek, Namangan muhandislik-qurilish institutida “Oliy ta'lim va ishlab chiqarish intergratsiyasidagi mavjud muammolar va ularning yechimlari” mavzusidagi xalqaro seminar bo‘lib o‘tdi.
“Texnologik mashinalar va jihozlar” kafedrasi tashabbusi bilan tashkil etilgan ushbu seminarda Qozog‘iston respublikasi va qo‘shni viloyatlardan kelgan olimlar, tadqiqotchilar ishtirok etdi.
Seminarni institut rektori Sharifjon Ergashev ochib berdi va anjuman ishiga muvaffaqiyatlar tiladi. Shundan so‘ng Muxtor Auezov nomidagi Janubiy Qozog‘iston universiteti professori Berdiyor Kaimbetov, Andijon mashinasozlik instituti professori Karimjon Qosimov, NamMQI o‘quv ishlari bo‘yicha prorektori Qahramon Inoyatov, “UzChasis” korxonasi bo‘lim boshlig‘i Doniyor Ashiroxunov va boshqalarning mavzu yuzasidan ma'ruzalari tinglandi.
Tadbir yakunida mehmonlar kafedraning “Dashtbog‘” mahallasi hududidagi ishlab chiqarish sexlari faoliyati bilan tanishdi va bu yerda amaliyot o‘tash, tajriba orttirish uchun yaratilgan sharoitlarga yuqori baho berdi.
NamMQI media markazi