«Yo‘l harakati xavfsizligi – sening hayoting»
NamMQI Transport fakulteti talabalari bilan «Yo‘l harakati xavfsizligi – sening hayoting» mavzusida davra suhbat o‘tkazildi. Unda Transport fakul'tet dekani B.Mahmudov, viloyat IIB YHXB matbuot guruhi boshlig‘i E.Sattarov, viloyat IIB YHXB yo‘l-patrul' xizmati inspektorlari F.O‘ralov, Sh.Ergashev hamda talabalar qatnashdi.
Viloyat IIB YHXB yo‘l-patrul' xizmati inspektori F.O‘ralov Namanganda ro‘y berayotgan yo‘l-transport hodisalari to‘g‘risida ma'lumotlar berib o‘tdi.
Namangan viloyat IIB YHXB matbuot guruhi boshlig‘i E.Sattarov hozirgi vaqtda sodir etilayotgan yo‘l qoidalari buzilishlari, jinoyat, huquqbuzarliklar, ularning oqibatlari hamda kelib chiqish sabablari haqida gapirib o‘tib, yoshlar tomonidan yo‘l harakati xavfsizligiga rioya etmaslik turli noxushliklar keltirib chiqarayotganligini bildirdi.
Davra suhbati talabalar bilan savol-javob tariqasida davom etdi.