Yangi vazir jamoaga tanishtirildi
Oliy va o‘rta maxsus ta'lim vazirligida Prezidentning yoshlar, fan, ta'lim, sog‘liqni saqlash, madaniyat va sport masalalari bo‘yicha maslahatchisi Odil Abdurahmanov boshchiligida yig‘ilish o‘tkazildi.
Unda Abdurahmonov Ibrohim Yo‘lchievich yangi lavozimda jamoaga tanishtirildi.
Prezident maslahatchisi yangi vazirni qutlab, davlat rahbari tomonidan 2023 yilda tizim oldiga katta vazifalar qo‘yilgani, jumladan ta'lim sifatini oshirish va bu orqali ta'lim maskanlari ilmiy salohiyatini ko‘tarish, yuqori bilimli kadrlar tayyorlash, umuman tizimga zamonaviy yondashuvlarni olib kirish borasida katta mas'uliyat yuklatilganini ta'kidladi.
Vazir Ibrohim Abdurahmonov Prezident tomonidan bildirilgan ishonchni oqlashi, yoshlarning oliy ta'lim muassasalarida sifatli ta'lim olishlari yo‘lida bilim va tajribasini ishga solishi, yangi jamoa bilan vazifalarni sidqidildan, hamjihatlikda bajarishini qayd etdi.