«Yangi avlod kadrlari zaxirasi» loyihasi doirasidagi tadbir
«Texnik tizimlarda axborot texnologiyalari» kafedrasi mudiri, Xalq deputatlari Namangan shahar Kengashi deputati Anvarjon Isomiddinov tashabbusi bilan O‘zLiDeP Namangan viloyat Kengashi vakillari bilan hamkorlikda «Yangi avlod kadrlari zaxirasi» loyixasi doirasida tadbir o‘tkazildi.
Namangan muhandislik-qurilish institutida talabalar ishtirokida o‘tkazilgan mazkur tadbirda Liberal-demokratik partiya tashkil topganligining 20 yilligi, o‘tgan davr mobaynida partiya tomonidan ishlar, erishilgan natijalar, elektorat manfaatlariga oid qonun va qarorlar qabul qilinishida keng jamoatchilik, xususan yoshlarning ishtiroki, shuningdek, yosh kadrlar zaxirasini shakllantirilishi va buning ahamiyati haqida tushunchalar berildi.
Xususan, talaba-yoshlarning huquqiy savodxonligini oshirish, siyosiy madaniyatini yuksaltirish, yoshlarning ijtimoiy faolligi va ularning tashabbuslarini qo‘llab-quvvatlash bo‘yicha amalga oshirilishi mumkin bo‘lgan loyihalar va mavjud imkoniyatlar xususuda to‘xtalib o‘tildi.