Vohidjon Turdaliyev Transport fakulteti dekani etib tayinlandi
Vohidjon Turdaliyev 1981 yili Pop tumanida tug‘ilgan. Ma'lumoti oliy, 2002 yili Namangan muhandislik-pedagogika instituti kunduzgi bo‘limi, 2004 yilda esa magistraturasini tamomlagan. Texnika fanlari doktori, professor.
Mehnat faoliyatini 2004 yilda Namangan muhandislik-pedagogika instituti “Umumtexnika fanlari” kafedrasi assistentligidan boshlagan va o‘tgan vaqt davomida ushbu kafedra mudiri, professori darajasigacha bo‘lgan yo‘lni bosib o‘tgan.
Tayinlovga qadar Namangan muhandislik-qurilish instituti Sirtqi bo‘limi boshlig‘i lavozimida faoliyat ko‘rsatib kelayotgandi.
Vohidjon Turdaliev institut rektorining joriy yil 1 noyabrdagi buyrug‘i bilan Transport fakul'teti dekani etib tayinlandi.