Transport fakultetida “Kafedra kunlari” o‘tkazildi
NamMQI Trasport fakultetining transport logistikasi, metrologiya va stantdartlashtirish hamda qishloq xo‘jaligini mexanizatsiyalashtirish kafedralarida “Kafedra kunlari” o‘tkazildi. Tadbirda institut prorektorlari, fakultetlar dekanlari, bo‘lim boshliqlari, kafedralar hamkorlik qiladigan tashkilotlar vakillari ishtirok etdi. Mehmonlar dastlab kafedralar tomonidan tayyorlangan ko‘rgazmalar bilan tanishdi. Kafedaralar mutasaddilari tomonidan bo‘lajak elektromobillardan tortib, metrologiyada qo‘llanadigan noyob o‘lchov asboblari hamda qishloq xo‘jaligida kor keladigan borona va seyalkalargacha namoyish etildi. Shundan so‘ng kafedralar ilmiy salohiyatini yanada oshirish va mavjud imkoniyatlardan samarali foydalanishga bag‘ishlangan muhokama yig‘ilishi bo‘lib o‘tdi. Yig‘ilishda institut mutasaddilari bugungi taqdimotlardan olingan taassurotlar va kafedralar istiqboli borasidagi fikr-mulohalari bilan o‘rtoqlashdi.
NamMQI media markazi