Talabalar turar-joyida «Yangi yil oqshomi»
Namangan muhandislik-qurilish instituti Yoshlar ittifoqi boshlang‘ich tashkiloti tashabbusi bilan talabalar turar-joyida «Yangi yil oqshomi» tadbiri o‘tkazildi.
Bayram tadbirini talabalar tomonidan ijro etilgan kuy-qo‘shiqlar, raqslar, qiziqarli o‘yinlar, g‘aroyib chiqishlar hamda go‘zal Qorqiz bezadi.
Yoshlar ittifoqi tomonidan joriy yil 14 noyabridan 14 dekabriga qadar «Ittifoq fest» tadbirlari o‘tkazilgan edi.
Shuningdek, bir oy davomida talabalar o‘rtasida turli mavzularda chellenjlar, videorolik, «Zakovat», «Munozara», «Kashf etamiz» tanlovlari, «Etakchi kubogi» sport musobaqalari va turli uchrashuvlar bo‘lib o‘tgandi.
Bayram yakunida mazkur tadbirlarda faol ishtirok etgan talabalar Yoshlar ittifoqi boshlang‘ich tashkiloti yetakchisi Diyorbek Soataliev tomonidan institut rahbariyatining tashakkurnomasi bilan taqdirlandi.