Talabalar amaliyotini tashkil etish yuzasidan o‘zaro fikr almashildi
Institutda “UzAutoMotors” aksionerlik jamiyati vakillari ishtirokida talabalar amaliyotini tashkil etish bo‘yicha muhokama yig‘ilishi o‘tkazildi.
Yig‘ilishda “UzAutoMotors” aksionerlik jamiyatining o‘quv ishlari bo‘yicha direktor o‘rinbosari Abdug‘affor Qodirjonov, institut birinchi prorektori Odiljon Jakbarov, Transport fakulteti dekani Baxriddin Mahmudov, Mashinasozlik fakulteti dekani Rahmatali Rustamov, Iqtisodiyot va boshqaruv fakulteti dekani Ilhomjon Sayfullayev, Transport logistikasi kafedrasi mudiri Abduqayum Normirzayev va boshqa mutasaddilar ishtirok etdi.
Tadbir davomida instiutut va “UzAutoMotors” o‘rtasida kadrlar almashinuvi, transport, iqtisodiyot, qurilish va metrologiya yo‘nalishlarida tahsil olayotgan talabalarning amaliyotini hamkorlikda tashkil etish bo‘yicha o‘zaro fikr almashildi.