Stipendiatlikka yoʻl
Institutda "Stipendiatlikka yoʻl" mavzusida davra suhbati boʻlib oʻtdi
Namangan muhandislik-qurilish instituti Yoshlar ittifoqi Boshlangʻich tashkiloti tashabbusi bilan stipendiya va ilmiy-innovatsion tanlovlarga qiziquvchi yoshlar ishtirokida ochiq muloqot boʻlib oʻtdi.
Muloqotda Oʻzbekiston Respublikasi Prezidenti stipendiyasi sohibi Diyorbek Soataliyev, Islom Karimov nomli Davlat stipendiyasi sohibasi Shahzodahon Gʻulomjonova, Beruniy nomli Davlat stipendiyasi sohibi Ahmadjon Muxtorjonovlar ishtirok etib, mavzu yuzasidan amaliy koʻnikmalari bilan boʻlishdi.
Tadbirkorlik va innovatsion loyihalar koordinatori Asadbek Bekchonov tomonidan "NamMQI innovatorlari" klubi faoliyati yangicha formatda yoʻlga qoʻyilishi taʼkidlandi.
Davra suhbati yakunida talaba yoshlar oʻzlarini qiziqtirgan savollarga loyiha tashkilotchilaridan atroflicha javoblar olishdi.