Rektor institut axborot-resurs markaziga yana 350 ta kitob sovg‘a qildi
Namangan muhandislik-qurilish institutida “Kitob sovg‘a qilamiz” aksiyasi faol davom etmoqda. Ushbu aksiya doirasida professor-o‘qituvchilar institut axborot-resurs markaziga ilmiy va badiiy adabiyotlarni topshirmoqda.
NamMQI rektori Sharifboy Ergashev institut axborot-resurs markaziga shaxsiy kutubxonasidan yana 350 ta kitobni taqdim etdi. Ular orasida o‘zbek va jahon adabiyotining nodir durdonalari, fotoalbomlar, monografiyalar bor.
Ma'lumot uchun, NamMQI rektori tomonidan institut axborot-resurs markaziga topshirilgan kitoblari soni 650 taga yetdi.
NamMQI media markazi