Qishki ta'tildan qaytgan talabalar ishtirokida ochiq muloqot
2023-yil 25-yanvar kuni institut talabalar turar joyida Muhandislik kommunikasiyalari fakulteti mas'ulligida qishki ta'tildan qaytib, talabalar turar joyida hamda ijara xonadonlarida istiqomat qilayotgan 141 nafar talabalar bilan institut birinchi prorektori O.Jakbarov hamda fakultet dekani F.Nishonov ochiq muloqot o‘tkazdilar. Muloqotda davom etayotgan anomal sovuq sharoitida talabalar turar joyida yaratilgan shart-sharoitlarni asrab-avaylash va undan oqilona foydalanish, yakuniy nazorat imtihonlariga tayyorgarlik va o‘z vaqtida ishtirok etish, TTJda va ijra xonadonlarda texnika xavfsizligiga rioya etish, bo‘sh vaqtni mazmunli, foydali o‘tkazish, is gazi, yog‘in xavfsizligi qoidalariga rioya etish hamda ishlovchi talabalarning mehnat faoliyati xavfsizligiga amal qilishlari kabi mavzularda fikr-mulohazalar bildirildi.