"Qalqon" jamoatchilik guruhi yangi oʻquv yilidagi faoliyatini boshladi
Namangan muhandislik-qurilish instituti Yoshlar ittifoqi boshlangʻich tashkiloti faol aʼzolaridan iborat "Qalqon" jamoatchilik guruhi yangi oʻquv yilidagi faoliyatini boshladi.
Harbiy-vatanparvarlik loyihalari koordinatori Doniyor Jakbarov boshchiligidagi guruh aʼzolari talabalarni turar joy bilan taʼminlash shtabida boʻlib, talabalar uchun qulay sharoitlarni yaratishda jonbozlik bilan ishtirok etmoqda.
Guruh aʼzolari tomonidan talabalikka tavsiya etilgan yoshlarga talabalar turar joyi va institutga yaqin hududlardagi ijara xonadonlariga joylashish boʻyicha zarur maʼlumotlar berilmoqda.