Prezident inauguratsiyasi bugun bo‘lib o‘tadi
O‘zbekiston Respublikasi Oliy Majlisi Qonunchilik palatasi va Senatining O‘zbekiston Respublikasi saylangan Prezidentining lavozimiga kirishishiga bag‘ishlangan qo‘shma majlisi 2023 yil 14 iyul kuni bo‘lib o‘tadi.
Inauguratsiya nima o‘zi?
Inauguratsiya — davlat boshlig‘ining shu oliy lavozimni bajarishga kirishishi va shu munosabat bilan o‘tkaziladigan tantanali marosim.
O‘zbekistonda odatda Prezident Konstitutsiya va/yoki Qur'oni karimga qo‘l qo‘ygan holda qasamyod qilishi orqali inauguratsiya marosimi bo‘lib o‘tadi.
Qasamyod so‘zlari: «O‘zbekiston xalqiga sadoqat bilan xizmat qilishga, respublikaning Konstitutsiyasi va qonunlariga qat'iy rioya etishga, fuqarolarning huquqlari va erkinliklariga kafolat berishga, O‘zbekiston Respublikasi Prezidenti zimmasiga yuklatilgan vazifalarni vijdonan bajarishga tantanali qasamyod qilaman».