O‘zbekiston yoshlar ittifoqi Namangan muhandislik-qurilish instituti boshlang‘ich tashkiloti tomonidan 2023/2024-o‘quv yili uchun maqsadli vazifalar belgilandi
2023/2024-o‘quv yilida Namangan muhandislik-qurilish institutida Yoshlar ittifoqi tomonidan amalga oshiriladigan loyihalar yuzasidan davra suhbati bo‘lib o‘tdi.
Muloqotni institut yoshlar yetakchisi Diyorbek Soataliev olib bordi. O‘tgan o‘quv yilida yaxshi faoliyat olib borganlar e'tirof etilib, kamchiliklarni yangi o‘quv yilida to‘ldirishni hamda yangi iqtidor sohiblarini kashf etishda munosib harakat qilish kerakligini aytib o‘tildi.
Muloqot so‘nggida ishtirokchilar tomonidan takliflar va tashabbuslar tinglandi. Institut boshlang‘ich tashkilotining yillik ish rejasini tuzish bo‘yicha kelishib olindi. Shu bilan birgalikda institutda mavjud fakul'tetlarga koordinatorlar saylovini munosib o‘tkazish bo‘yicha tavsiyalar berildi.