“Oliy ta'lim a'lochisi” hamda “O‘rta maxsus va professional ta'lim a'lochisi” ko‘krak nishonlari ta'sis etildi
Hukumatning qarori bilan ta'sis qilingan mazkur mukofot bilan oliy, o‘rta maxsus va professional ta'lim sohasida fidokorona mehnat qilayotgan, soha rivojiga munosib hissa qo‘shib kelayotgan fuqarolar rag‘batlantiriladi.
Ko‘krak nishonlari mukofotlangan shaxslarga 1 oktyabr — O‘qituvchi va murabbiylar kuni arafasida topshiriladi.
Ko‘krak nishoni bilan chet el fuqarolari va fuqaroligi bo‘lmagan shaxslar ham taqdirlanishi mumkin.
Mukofotlangan shaxslarga BHMning to‘rt baravari (bugungi kunda 1,2 mln so‘m) miqdorida bir martalik pul mukofoti beriladi.
Bir shaxs ko‘krak nishoni bilan bir marta taqdirlanishi mumkin.