NamMQIda yoshlar orasida giyohvandlikka qarshi kurash mavzusiga bag‘ishlangan uchrashuv o‘tkazildi
Uchrashuvda institut yoshlar bilan ishlash bo‘limi boshlig‘i D.Dadabaev, viloyat hokimligi huzuridagi Narkotik moddalarni nazorat qilish mitaqaviy komissiyasi mas'ul kotibi R.Boqiev, viloyat narkologiya markazi vrach-narkologi X.A'zamov, viloyat IIB JQB xodimi O.Soifjonov, Namangan shahridagi «Movlono Aliul qori» jome masjidi imom-xatibi B.Xamdamov, dekan o‘rinbosarlari, tyutorlar hamda talabalar ishtirok etdi.
Ochiq va samimiy ruhda o‘tkazilgan muloqotda yoshlar orasida narkotik va psixotrop moddalarning noqonuniy aylanishiga qarshi kurash, yoshlar o‘rtasida giyohvand moddalar, xususan sintetik vositalar, elektron sigaretalarga berilish holatlari, giyohvand moddalar, ularning turlari, inson salomatligi uchun zarari va giyohvand moddalarga berilib qolishning salbiy oqibatlari haqida batafsil ma'lumotlar berildi.