NamMQIda magistrlarga diplom topshirish marosimi bo‘lib o‘tdi!
Bu yil institutni 125 nafar magistr bitirmoqda. Ularning aksariyati o‘qishi davomida ko‘plab yutuqlarga erishdi.
Jumladan, ular orasida xalqaro va respublika anjumanlari, tanlovlarida muvaffaqiyatli ishtirok etgan, dasturiy ta'minotlarni yaratgan va bu uchun Intellektual mulk agentligi guvohnomasini olgan magistrlar ham bor.
Magistrlarga diplom topshirish marosimida ishtirok etgan institut rektori Sharifjon Ergashev ushbu yutuqlarni alohida e'tirof etdi. O‘qish davrida muvaffaqiyatlarga erishgan magistrlarga tashakkurnomalar taqdim etildi.
Shundan so‘ng bitiruvchilarga magistrlik diplomlarini topshirish marosimi bo‘lib o‘tdi. Rektor, prorektorlar va rektor maslahatchilari ushbu diplomlarni o‘z egalariga topshirdi.
Bitiruvchilar nomidan Ne'matjon Akramov va Mavjuda Eshmatova, ota-onalar nomidan esa Sojida Xolmatova so‘zga chiqib, ustozlarga o‘z minnatdorliklarini bildirdi.
Viloyat madaniyat saroyi san'atkorlari esa kuy-qo‘shiqlari bilan tadbirga tantanali tus berdi.