NamMQI Xotin-qizlar kengashi va YoI boshlang‘ich tashkiloti tomonidan talaba-qizlar uchun davra suhbati tashkil etildi
Tadbirga mehmon sifatida Namangan davlat universiteti talabasi, Navoiy nomidagi davlat stipendiyasi, Zulfiya nomidagi davlat mukofoti sohibasi, bir qator tanlovlar g‘olibasi Nigora Muhammad qizi taklif etildi.
Tadbirni institut Xotin-qizlar kengashi raisi Sohiba Otamirzayeva ochib berdi. Nigora Muhammad bugungi kunda yoshlarga, xususan, talaba-qizlarga yaratilayotgan sharoitlar haqida fikrlarini bildirib, o‘z qalamiga mansub she'rlardan o‘qib eshittirdi.
Tadbir davomida talaba-qizlar o‘rtasida o‘tkazilgan tanlov g‘oliblari taqdirlandi, ishtirokchilar mehmondan qiziqqan savollariga javob olishdi. Davra suhbati ko‘tarinki kayfiyatda yakunlandi va mehmonga institut rahbariyatining esdalik sovg‘alari topshirildi.
NamMQI media markazi