NamMQI vakillari Turkiyaning Karabuk Univesiteti mutasaddilari bilan muloqotda boʻldi
Turkiyada xizmat safarida boʻlib turgan Energetika muhandisligi kafedrasi dotsenti Muzaffar Murodov va katta oʻqituvchi Murodjon Nabiyev Karabuk Univesiteti xalqaro hamkorlik aloqalari boshqarmasi boshligʻi Adnan Uchur va rektor yordamchisi professor Ismoil Rakip Karash bilan uchrashdi.
Uchrashuv davomida professor-oʻqituvchilar, magistratura, doktorantura dasturlari boʻyicha hamkorlikni davom ettirish yuzasidan fikr almashildi. Tomonlar Erasmus+K-171 tanlovida qoʻshma loyiha bilan ishtirok etish boʻyicha muzokara olib bordi.
Shuningdek, vakillarimiz mazkur univesitet Muhandislik fakulteti dekani professor Yavuz Sun va dekan yordamchisi dotsent Engin Sevik bilan ham muloqotda boʻldi.
Uchrashuv davomida bakalavr tayyorlash dasturlari boʻyicha 2+2 koʻrinishida hamkorlikni yoʻlga qoʻyish masalasi muhokama qilindi.