NamMQI vakillari Sanoat texnikumi faoliyati bilan yaqindan tanishdi
NamMQI Qurilish fakulteti «Bino va inshootlar qurilishi» kafedrasi dosenti M.Husainov va katta o‘qituvchi O.Cho‘lponov Namangan sanoat texnikumida bo‘lib, muassasa direktori ishtirokida texnikumda talabalar uchun yaratilgan shart-sharoitlar bilan tanishdi.
Tanishuv chog‘ida kafedra filiali faoliyatini yanada rivojlantirish, kafedra professor-o‘qituvchilari tomonidan mahorat darslarini muntazam tashkil etish, metodik va ilmiy jihatdan qo‘llab-quvvatlash, mavjud o‘quv-laboratoriya bazasidan hamkorlikda foydalanish bo‘yicha vazifalar belgilab olindi.
Texnikumda «Bino va inshootlar qurilishi» ta'lim yo‘nalishi mavjud bo‘lib, hozirgi kunda 14 nafar o‘quvchi tahsil olmoqda. Shu bois institut laboratoriyalariga mazkur yo‘nalishda tahsil olayotgan o‘quvchilarni jalb etib, mahorat darslarini o‘tib berish rejalashtirildi.