NamMQI va Lanchjoudagi Szyaotun universiteti bilan hamkorlik memorandumi imzolandi
Pekinda bo‘lib o‘tayotgan birinchi O‘zbekiston—Xitoy ta'lim forumi doirasida Namangan muhandislik-qurilish instituti va Lan'chjoudagi Szyaotun universiteti bilan hamkorlik memorandumi imzolandi.
Mazkur universitet 1958 yilda tashkil etilgan bo‘lib, bugungi kungacha asosan transport tarmog‘i uchun 50 ming nafardan ortiq yuqori malakali mutaxassislar tayyorlangan. Hozirda esa bu yerdagi muhandislik, transport, me'morchilik, iqtisodiyot va menejment kabi yo‘nalishlarda 17 ming talaba tahsil olmoqda.
NamMQI rektori Sharifjon Ergashev va Lan'chjoudagi Szyaotun universiteti vakili professor Zu Tinjun tomonidan imzolangan memorandum professor-o‘qituvchilar va talabalar almashinuvi, malaka oshirish va stajirovkalar, hamkorlikda ilmiy ishlar olib borish va darslik, qo‘llanmalar tayyorlash kabi ko‘plab qirralarni o‘z ichiga oladi.
NamMQI media markazi