NamMQI va «Balance Tex» korxonasi o‘rtasida hamkorlik memorandumi imzolandi
Iqtisodiyot va boshqaruv fakul'tetida «Balance Tex» mas'uliyati cheklangan jamiyati rahbari, «Faol tadbirkor» ko‘krak nishoni sohibi Avazbek Nishanov bilan muloqotdan so‘ng mazkur korxona joylashgan “Barkamol avlod” MFY hokim yordamchisi Otabek Tursunovning chiqishi tinglandi.
Hokim yordamchisi mahalladagi kichik sanoat zonasida shu kabi 40 ga yaqin korxona faoliyat olib borayotgani haqida hikoya qilib, talabalarni bu manzilga ekskursiyaga taklif etdi.
Fakultet dekani Ilhomjon Sayfullaev mehmonlarga qiziqarli va motivasiya beruvchi suhbat uchun minatdorlik bildirdi.
Tadbir yakunida Namangan muhandislik-qurilish instituti va «Balance Tex» mas'uliyati cheklangan jamiyati o‘rtasida hamkorlik memorandumi imzolandi. Ushbu hujjat talabalarning korxonada amaliyot o‘tashi, tadbirkorning fakultetdagi saboqlari, yoshlarni ish bilan ta'minlash va boshqa ko‘plab jihatlarni qamrab olgan.
NamMQI media markazi