NamMQI talabasi «Nodirai davronlar» Respublika ko‘rik-tanlovida munosib ishtirok etdi
«Milliy tiklanish» demokratik partiyasi Markaziy kengashi tomonidan Oila va xotin-qizlar qo‘mitasi hamda Yoshlar ishlari agentligi bilan hamkorlikda tashkil etilgan mazkur tanlovda viloyatlarda 1-o‘rinni qo‘lga kiritgan 14 nafar qiz «Bexato yozamiz!», «Qadriyatlarga tayangan taraqqiyot» va «Kutilmagan savol» yo‘nalishlarida g‘oliblik uchun kurashdi.
Ular orasida Namangan muhandislik-qurilish instituti talabasi Oyshaxon Qodirova ham bor edi.
Tanlovning g‘olib va sovrindorlari tashkilotchilar tomonidan esdalik sovg‘alari bilan taqdirlandi hamda «Milliy tiklanish» demokratik partiyasidan Yoshlar parlamenti a'zoligiga va mahalliy Kengashlardagi deputatlikka nomzodlar zahirasiga kiritildi.