NamMQI talabalari Milliy gvardiya Chavandozlar maktabi bilan tanishdi
Transport fakulteti talabalaridan bir guruhi Milliy gvardiya viloyat boshqarmasi qoshidagi Chavandozlar maktabi faoliyati bilan tanishdi.
Institut psixologi Murodjon Nurqulov tashabbusi bilan tashkil etilgan tadbir avvalida Chavandozlar maktabining tarixi va bugungi kuni, bu yerda saqlanayotgan otlar haqida batafsil hikoya qilindi.
Shundan so‘ng talabalar otlarga chiqib, davra aylanib, o‘zlarining mahoratlarini sinab ko‘rishdi.
Keyingi bosqich kamondan o‘q uzish bo‘ldi. Talabalar tajribali yo‘riqchilar ko‘magida bu borada ham o‘zlarini ko‘rsatish imkoniyatiga ega bo‘ldi.
Harbiy-vatanparvarlik oyligi doirasida va 14 yanvar — Vatan himoyachilari kuni arafasida tashkillangan ushbu tadbir talaba va tyutorlarda katta taassurot qoldirdi.
NamMQI media markazi