Rektor boshchiligida institut professor-o‘qituvchilari «IFODA AGRO KIMYO HIMOYA» kompaniyasining Chust tumanidagi korxonasida bo‘ldi
Mazkur kompaniya 2017 yildan boshlab o‘simliklarni himoya qilish vositalarini Respublika hududida ishlab chiqarishni yo‘lga qo‘ygan va bu sohada qator yutuqlarga erishdi. Bugungi kunda kompaniya tomonidan ekinlarni himoya qilishda zarur bo‘lgan 70 dan ortiq kimyoviy vositalar va 50 turdan ortiq mineral hamda organik vositalarni dehqonlar va fermer xo‘jaliklariga yetkazib berilmoqda. Ushbu mahsulotlar ekinlarni zararkunanda va kasalliklardan himoya qilish hamda yuqori hosil olishda beminnat yordamchidir. Shu boisdan kompaniya «Birgalikda yetishtiramiz!» shiori bilan ishlab keladi. «IFODA AGRO KIMYO HIMOYA» kompaniyasi mutasaddilari NamMQI professor-o‘qituvchilarini korxona faoliyati bilan tanishtirib, ishlab chiqarilayotgan mahsulotlar haqida batafsil ma'lumot berdi.
NamMQI media markazi