NamMQI talabalar turar-joyida 17 noyabr — Xalqaro talabalar kuni munosabati bilan tantanali tadbir o‘tkazildi
Bayram tadbirini institut birinchi prorektori Odiljon Jakbarov tabrik so‘zi bilan ochib berdi. U oliy o‘quv yurti talabalari turli sohalarda erishayotgan muvaffaqiyatlarni e'tirof etib, bunday yutuqlar bardavom bo‘lishini tiladi.
Yangi Namangan tumani hokimi o‘rinbosari A'zamjon Isaqov, Yoshlar ittifoqi Namangan viloyati Kengashi raisi Azizbek Toshmatov, viloyat bojxona boshqarmasi matbuot xizmati rahbari Rasulxon Mamatxonov talabalarni bayram bilan tabriklab, yuksak natijalarga erishayotgan bir qator yoshlarga tashakkurnoma va sovg‘alar topshirdi.
Talabalar tomonidan ijro etilgan «Oliygohim» madhiyasi, xonandalar ijrosidagi kuy-qo‘shiqlar, quvnoqlar va zukkolar bahsi, she'riy chiqishlar, sovg‘alarga boy o‘yinlar bayramga o‘zgacha kayfiyat va shukuh bag‘ishladi.
Institutda o‘tkazilgan ma'naviy-ma'rifiy, sport tanlovlari g‘olib va sovrindorlari pul mukofoti, diplom va esdalik sovg‘alari bilan taqdirlandi.
NamMQI media markazi