NamMQI rektori doktorant, tayanch doktorant va stajyor-tadqiqotchilar bilan muloqot o‘tkazdi
Namangan muhandislik-qurilish instituti rektori Sharibboy Ergashev doktorant, tayanch doktorant va stajyor-tadqiqotchilar uchrashdi hamda muloqot o‘tkazdi.
Rektor yig‘ilganlarni doktoranturaga qabul qilinganlari bilan qutladi. Ular tomonidan qisqa muddat ichida individual ish rejasi ishlab chiqilishi va tasdiqlash uchun taqdim etish zarurligi eslatib o‘tildi. Bunda xususan xorijiy til sertifikatini olishga alohida urg‘u berish zarurligi ta'kidlandi.
Ilmiy rahbarlari bilan birgalikda ixtisoslik bo‘yicha nazariy-metodologik dastur ishlab chiqilishi va ushbu hujjat yil davomidagi faoliyat uchun asosiy mezon bo‘lib xizmat qilishi qayd etildi.
Ma'lumot uchun, Namangan muhandislik-qurilish institutiga 2023 yil uchun doktorantura, tayanch doktorantura va stajyor-tadqiqotchilikka jami 62 nafar talabgor qabul qilindi.