NamMQI professor-o‘qituvchilari Muxtor Avezov nomidagi universitetda talabalarga dars mashg‘ulotlari o‘tib, mutaxassislar bilan o‘zaro fikr almashib kelishdi
NamMQI Qurilish fakul'teti Muhandislik kommunikasiyalari qurilishi va montaji kafedrasi professor-o‘qituvchilari A.Alinazarov, M.Negmatov va D.Axunovlar ikki oliy o‘quv yurti o‘rtasida tuzilgan hamkorlik shartnomasiga muvofiq Muxtor Avezov nomidagi Janubiy Qozog‘iston davlat universitetining Arxitektura, qurilish va transport fakultetida bo‘ldi.
Ular universitet faoliyati bilan tanishdi, hamkasblar bilan tajriba almashdi va talabalarga dars mashg‘ulotlarini olib bordi.
Professor-o‘qituvchilarimiz Universitet muzeyida bo‘lib, u yerdagi faxriy mexmonlar kitobida o‘z dastaxatlarini qoldirishdi.
Ma'lumot uchun, Muxtor Avezov nomidagi universitet Qozog‘istonning eng yirik ta'lim dargohlaridan biri bo‘lib, bu yerda 80 dan ortiq yo‘nalishda saboq beriladi. Universitet oliy ta'lim muassasalarining xalqaro reytingida top-500 talikda hozirgi kunda 443 o‘rinda turadi.