NamMQI Muhandislik va kompyuter grafikasi kafedrasi professori Sherzod Abdurahmonov 77 yoshda vafot etdi
Namangan muhandislik-qurilish instituti Muhandislik va komp'yuter grafikasi kafedrasi professori Sherzod Abdurahmonov bugun, 1 fevral kuni 77 yoshida hayotdan ko‘z yumdi.
Sherzod Abdurahmonov 1947 yili Pop tumanida tug‘ilgandi. 1968 yilda Toshkent davlat pedagogika institutini tamomlagan.
Institut tashkil etilgan sana — 1979 yildan bu yerda faoliyatini boshlagan va o‘qituvchilikdan professorlikkacha bo‘lgan yo‘lni bosib o‘tgandi.
200 dan ortiq ilmiy va ilmiy-uslubiy ishlar, jumladan, o‘quv adabiyotlari, monografiyalar va ixtirolar muallifiga aylandi.
Sherzod Abdurahmonov Turon fanlar akademiyasi akademigi etib saylangan, “Mehnat faxriysi” ko‘krak nishoni sohibi edi.
Namangan muhandislik-qurilish instituti jamoasi marhumning oila a'zolariga chuqur hamdardlik bildiradi.
Institut rahbariyati