NamMQI ko‘ngillilari abiturientlarning ota-onalari o‘rtasida ijtimoiy so‘rovnoma o‘tkazdi
Namangan muhandislik-qurilish instituti ko‘ngillilari Davlatobot tumanidagi Bilim va malakalarni baholash agentligiga qarashli test sinovlari markazida abiturientlarning ota-onalari o‘rtasida ijtimoiy so‘rovnoma o‘tkazdi.
Tarqatilgan so‘rovnomadan ota-onalarning ta'limdagi islohotlardan boxabarligi, imtihonlarning tashkillanishi va yaratilgan sharoitlarga munosabati, farzandlarining oliy ta'lim bosqichiga tayyorgarlik jarayoni qanday kechgani bilan bog‘liq savollar o‘rin oldi.
Quvonchli tomoni shundaki, so‘rovnomada ishtirok etgan ota-onalarning aksariyati test sinovlari shaffof o‘tayotganligi, jarayonni monitorlar orqali bevosita kuzatib borish va farzandlari imtihonlardan chiqishini kutish uchun sharoitlar yaratilganidan qoniqish bildirdi.
Ko‘ngillilar tomonidan abiturientlarning ota-onalariga so‘rovnomada ishtirok etganlari uchun minnatdorlik bildirildi, ularga mineral ichimlik suvlari tarqatildi.
NamMQI media markazi