NamMQI ilmiy kengashining navbatdagi yig‘ilishi bo‘lib o‘tdi
Namangan muhandislik-qurilish instituti ilmiy kengashining navbatdagi yig‘ilishi bo‘lib o‘tdi. Uni institut o‘quv ishlari bo‘yicha prorektori Qahramon Inoyatov olib bordi.
Kengash avvalida an'anaga muvofiq ilmiy unvonlarga sazovor bo‘lgan va yubiley sanasini nishonlanayotgan professor-o‘qituvchilar qutlandi. Ularning erishgan yutuqlari va bosib o‘tgan zahmatli yo‘llari e'tirof etildi.
Shundan so‘ng ilmiy kengash yig‘ilishi kun tartibidagi masalalarni ko‘rib chiqish boshlandi. Jumladan, institutda startap loyihalar tatbiq etilishini qo‘llab-quvvatlash, institut qoshida yangi korxona va tuzilmalar tashkil etish, ilmiy anjuman va konferensiyalar soni va sifatini oshirish, vakant lavozimlarga nomzodlar taqdim etish kabi masalalar muhokama qilindi.
Yig‘ilish yakunida ko‘rib chiqilgan masalalar yuzasidan tegishli qarorlar qabul qilindi.
NamMQI media markazi