Namangan muhandislik-qurilish institutida yangi o‘quv yilining boshlanishiga bag‘ishlangan tantanali tadbir bo‘lib o‘tdi
Tadbirni institut rektori Sharifjon Ergashev ochib berdi. U barcha yoshlar, xususan, birinchi kursga qabul qilingan talabalarni yangi o‘quv yili bilan tabrikladi.
Joriy yil institutimizga 40 mingdan ortiq abiturient hujjat topshirdi. Ayrim yo‘nalishlarda bir o‘ringa 100 dan oshiq talabgor da'vogarlik qildi. Sizlarni shunday sinovlardan o‘tib, bizning safimizga qo‘shilganingiz bilan qutlayman, — dedi rektor.
Viloyat kengashi deputati, "Yuksalish" umummilliy harakati viloyat bo‘limi rahbari Nargiza Muhammadieva talabalarga o‘zining ezgu tilaklarini bildirdi. Ota-onalar nomidan Qoraqalpog‘istonning Ellikqal'a tumanidan kelgan Sa'dulla Yusupov, birinchi kurs talabalari nomidan Sanoatni axborotlashtirish fakultetiga grant asosida o‘qishga qabul qilingan Ruxshona Adhamova so‘zga chiqdi.
Tadbir institut madhiyasini birgalikda ijro etilishi va talabalarni auditoriyalarga kuzatib qo‘yish bilan yakunlandi.
NamMQI media markazi