Namangan muhandislik-qurilish institutida "Tanishtiruv haftaligi" davom etmoqda
Oliygohga qabul qilingan yoshlarni o‘quv jarayoniga moslashtirish, ular uchun yaratilgan shart-sharoitlar bilan tanishtirish maqsadida Yoshlar ittifoqi Boshlang‘ich tashkiloti hamda Iqtidorli talabalarning ilmiy-tadqiqot faoliyatini tashkil etish bo‘limi hamkorligida Iqtisodiyot va boshqaruv fakultetining birinchi bosqich talabalari uchun ekskursiya tashkil etildi.
Ekskursiya davomida Yoshlar ittifoqi Boshlang‘ich tashkiloti yetakchisi— rektorning yoshlar masalalari bo‘yicha maslahatchisi Diyorbek Soataliev tomonidan talabalarga institut tarixi, rahbariyati, Axborot-resurs markazi, IT-markazi, "Parvoz" voleybol klubi faoliyati haqida ma'lumotlar berildi.
Tanishtiruv uchrashuvi davomida talaba-yoshlarning o‘quv yili davomida vaqtlarini mazmunli tashkil etish bo‘yicha suhbat olib borildi. Yakunda talabalarning takliflari, muammolari hamda qiziqishlari yuzasidan fikrlar almashildi.