Namangan muhandislik-qurilish institutida "Rektor va yoshlar uchrashuvi" bo‘lib o‘tdi
O‘tkazilgan muloqot davomida institut birinchi prorektori Odiljon Jakbarov tomonidan talabalarga yaratilayotgan sharoitlar, o‘tkazilgan va rejalashtirilayotgan tadbirlar hamda rag‘batlantirishlar bo‘yicha ma'lumot berildi.
Transport fakulteti dekani Bahriddin Mahmudov hamda institut matbuot kotibi Azizbek Abduvaliyevning bugungi kunning dolzarb mavzulari yuzasidan chiqishlari tinglandi.
Shundan so‘ng talabalar bilan ochiq muloqot boshlandi. Talabalar tomonidan isitish tizimini takomillashtirish, masofasi uzoq bo‘lgan binolardagi dars soatlarini ertaroqqa ko‘chirish, ta'til paytidagi amaliyotlar, institut radiosi faoliyatini kengaytirish, talabalarni bo‘sh vaqtlarini yanada mazmunli tashkil etish yuzasidan takliflar bildirildi.
Ochiq va samimiy ruhda o‘tkazilgan uchrashuvda talabalar tomonidan 25 dan ortiq taklif va 10 dan ortiq murojaatlar tinglandi. Aksariyati joyida hal etilib, ijrosi vaqt talab qiladiganlari nazoratga olindi.
NamMQI media markazi