Namangan muhandislik-qurilish institutida “Nuroniy” jamg‘armasi viloyat bo‘limi raisi, senator Ikromxon Najmiddinov bilan uchrashuv bo‘lib o‘tdi
Tadbirda viloyat hokimligi huzuridagi Fuqarolarning o‘zini o‘zi boshqarish organlari xodimlarini malakasini oshirish bo‘yicha o‘quv markazi direktori Rahmonjon Egamberdiev taniqli davlat va jamoat arbobining ibratli hayot yo‘li haqida so‘z yuritdi.
Institut ijtimoiy fanlar kafedrasi professori Muhammadi Ismoilov Ikromxon Najmiddinovning faoliyati haqida hikoya qiluvchi “Ezgulikka baxshida umr” kitobining o‘ziga xos taqdimotini o‘tkazdi.
Shundan so‘ng senator bilan professor-o‘qituvchilar, tyutorlar va talabalarning muloqoti boshlandi. Ikromxon Najmiddinov savollarga batafsil javob berar ekan, ta'lim sohasi bugungi kunda mamlakatda eng ko‘p e'tibor qaratilayotgan yo‘nalish ekanligini ta'kidladi.
Tadbir yakunida institut rektori Sharifjon Ergashev jamoa nomidan samimiy muloqot uchun senatorga minnatdorlik bildirib, Ikromxon Najmiddinov bilan birgalikda yoshlar koordinatorlariga printerlar topshirdi.