Namangan muhandislik-qurilish institutida Davlatobod tumanidagi maktablar vakillari bilan uchrashuv bo‘lib o‘tdi
NamMQI media markazi tashabbusi bilan tashkil etilgan tadbir ishtirokchilariga institut haqida hikoya qiluvchi roliklar namoyish etildi, bukletlar taqdim etildi.
Institut birinchi prorektori Odiljon Jakbarov ishtirokchilar uchun taqdimot o‘tkazdi. Taqdimotda institut salohiyati, reytinglardagi o‘rni, fakul'tetlar va yo‘nalishlar haqida batafsil tushunchalar berdi.
Institut qabul komissiyasi mas'ullari Fayzulla Nishonov va Rustamjon Soliev qabul jarayonidagi yangiliklar, belgilangan imtiyozlar haqida so‘z yuritdi.
Prezident va nomli davlat stipendiyalari sohiblari Diyorbek Soataliev, Shahzoda G‘ulomjonova, Anvarxon Majidov va Husniobod Valijonova talabalar uchun yaratilgan sharoit va imkoniyatlar haqida hikoya qildi.
Yakunda Davlatobod tumani maktablari vakillari institut mutasaddilariga o‘zlarini qiziqtirgan savollar bilan yuzlandi.
NamMQI media markazi