Namangan muhandislik-qurilish instituti va Belgiya ta'lim kengashi o‘rtasida hamkorlik memorandumi imzolandi
Belgiya poytaxti Bryusselda bo‘lib o‘tayotgan “Bilimlarni tijoratlashtirishda yevropa tajribasi” xalqaro anjumanida Namangan muhandislik-qurilish instituti va Belgiya ta'lim kengashi o‘rtasida hamkorlik memorandumi imzolandi.
Ushbu hujjatni kengash tomonidan uning direktori Oksana Pozdnyakova, institut nomidan esa NamMQI o‘quv ishlari bo‘yicha prorektori Qahramon Inoyatov imzoladi.
Mazkur memorandum professor-o‘qituvchilar va tadqiqotchilar almashinuvi, uzoq va qisqa muddatli malaka oshirish, hamkorlikda seminar-treninglar, videokonferensiyalar, onlayn ma'ruzalar tashkil etish, Belgiya va yevropaning boshqa davlatlarida amaliyot o‘tash kabi ko‘plab jarayonlarni o‘z ichiga oladi.