Namangan muhandislik-qurilish instituti “UI Green Metric World University Ranking” reytingida respublika OTMlari orasida 13-o‘rinni egalladi!
Bugun, 5-dekabr kuni “UI Green Metric World University Ranking” bo‘yicha dunyo universitetlarining xalqaro reytingi e'lon qilindi.
UI Green Metric World University Ranking – "yashil" universitetlarning global reytingi hisoblanadi. O‘zbekistondan bu yil ushbu reytingda 41 ta oliy ta'lim muassasasi joy oldi.
"UI Green Metric World University Ranking" xalqaro reyting natijalariga ko‘ra, Namangan muhandislik-qurilish instituti dunyo bo‘yicha 5545 ball to‘plab, 84 ta mamlakatdagi 1183 ta oliygohlar orasida 688-o‘rinni, respublika oliy ta'lim muassasalari o‘rtasida 13-o‘rinni, Farg‘ona vodiysida 2-o‘rinni, Namanganda esa 1-o‘rinni egalladi.
Institutimiz jamoasini ushbu e'tirof bilan qutlab, kelgusida bundan ham yuqori natijalarga erishishni tilab qolamiz!