Namangan muhandislik-qurilish instituti talabalarining ota-onalari oliy o‘quv yurtiga taklif etildi
Ularni institut birinchi prorektori Odiljon Jakbarov, rektor maslahatchisi Azizbek Abduvaliev, Muhandislik kommunikasiyalari fakul'teti dekani Fayzulla Nishonov talabalar turar-joyida qarshi oldi va bu yerda yaratilgan sharoitlar bilan batafsil tanishtirdi.
Mutasaddilar ota-onalar bilan muloqot davomida institut tarixi va bugungi kuni, mavjud tartib-qoidalar, kredit-modul' tizimi, fan, madaniyat, til va sport to‘garaklari, turli tanlov va olimpiadalar haqida ma'lumot berdi.
Shundan so‘ng ota-onalar institutning asosiy korpusida bo‘lib, auditoriya va laboratoriyalar, sport majmuasi va axborot-resurs markazini ko‘zdan kechirdi.
Yakunda institut rektori Sharifjon Ergashev ota-onalar bilan uchrashib, bugungi tashrif uchun minnatdorlik bildirdi. Farzandlar ta'lim-tarbiyasiga doimiy e'tibor, institutda ota-onalar kongressini tashkil etish bo‘yicha o‘zaro fikr almashildi.
NamMQI media markazi