Muxtor Avezov nomidagi Janubiy Qozog‘iston davlat universiteti professor-o‘qituvchilari namanganlik hamkasblari bilan tajriba almashdi
Ikki oliy o‘quv yurti o‘rtasida tuzilgan hamkorlik shartnomasiga muvofiq Muxtor Avezov nomidagi Janubiy Qozog‘iston davlat universitetining bir guruh professor-o‘qituvchilari Namangan muhandislik–qurilish institutiga keldi.
Mehmonlarni institut ilmiy ishlar va innovasiyalar bo‘yicha prorektori Muhammadjon Dadamirzaev qabul qildi va mutasaddilar ishtirokida muloqot olib bordi.
Qozog‘istonlik professor-o‘qituvchilar — professor Berik Chalabaev, kafedra mudiri Kanat Dosaliev, dosent Yermek Anarbaev va boshqalar institut faoliyati, “Muhandislik kommunikasiyalari qurilishi va montaji” kafedrasi laboratoriya jihozlari bilan tanishdi, hamkasblar bilan tajriba almashdi.
Shundan so‘ng mehmonlar NamMQI talabalariga ma'ruzalar va amaliy mashg‘ulotlar o‘tashga kirishdi.
NamMQI media markazi