«Mirzo Ulug‘bek vorislari» tanlovining viloyat bosqichi yakunlandi. 5 nafar talabamiz respublika bosqichiga yo‘l oldi
Davlatobod tumanidagi yoshlar ziyo maskanida «Mirzo Ulug‘bek vorislari» tanlovining viloyat bosqichi bo‘lib o‘tdi. Qizg‘in muhokamalarga sabab bo‘lgan loyihalar mualliflari saralanganlar safidan o‘rin oldi.
Hakamlar hay'ati qaroriga binoan 60 nafar ishtirokchidan 20 nafari respublika bosqichida ishtirok etish yo‘llanmasini qo‘lga kiritdi va bazaviy hisoblash miqdorining 10 barobari miqdoridagi pul mukofoti bilan taqdirlandi.
Institutimizning biryo‘la 5 nafar talabasi—Sanoatni axborotlashtirish fakultetidan Shohjahon Sobirov, Diyorbek Jumaboev va Shahzoda G‘ulomjonova, Transport fakultetidan Dilshodbek Jo‘raboev va Oyshaxon Qodirova Respublika bosqichi ishtirokchilariga aylanishdi.
Talabalarimizni tabriklaymiz va kelgusi bosqichda omad tilab qolamiz.
NamMQI media markazi