Koordinatorlar "WikiOromgoh kubogi"ni qoʻlga kiritdi
WikiOromgoh Yoshlar ishlari agentligi tomonidan "WikiStipendiya" marafoni doirasida boʻlib oʻtadigan tadbir hisoblanib, bir hafta davomida Toshkent viloyatining Boʻstonliq tumanidagi "Yoshlar oromgohi"da oʻtkaziladi.
Anʼanaga koʻra Wikioromgohning 4-mavsumi boʻlib oʻtdi.
Yakuniy taqdirlash kuni oromgohda oʻtkazilgan turli musoboqa va oʻyinlarda, tadbir hamda vazifalarda faollik bilan jonbozlik koʻrsatgan jamoalarning natijalari sarhisob qilindi. Yakuniy natijalarga koʻra 1-guruh eng yuqori ballni toʻplab, "Oromgoh kubogi"ni qoʻlga kiritdi.
Eng quvonarlisi shundaki, gʻolib boʻlgan jamoa tarkibida Muhandislik kommunikatsiyalari fakulteti koordinatori Asadbek Bekchonov, Sanoatni axborotlashtirish fakulteti koordinatori Hayitboy Qodirqulov va bir guruh iqtidorli talabalarimiz ham bor.